Сабыйҙарға кем тип ҡушабыҙ?

Яратып ҡушылған исәмдәр

Сабыйҙың донъяға килеүе үҙе бер бәхет. Ә инде уға исем ҡушыу үҙе бер онотолмаҫ ваҡиғаға әүерелә.

Республикала бәләкәстәргә ҡушылған һирәк исемдәр билдәләнгән. Ҡыҙҙар исеме араһында ул Софи, Раделя, Санам, Рейана, Велислава.

Ә малайҙарға ҡушылған исемдәр араһында Абдульдкәрим, Аллан, Бао Лонг, Али-Хусейн, Илтуған бар.

Малайҙар өсөн иң популяр исем Әмир булып сыҡҡан. Республикала яңы тыуған 447 сабый шул исемде алған. Ә ҡыҙҙар өсөн иң таралған исем Амелия. Республикала 364 бәләкәскә шул исемде биргәндәр.

Сабыйҙар ата-әсәле, бәхетле, имен-һау булһын!