"Герой парталары" асылды

Бөгөн, 13 декабрҙә, Кәрешкә мәктәбендә “Беҙҙең заман Геройҙары" Бөтә Рәсәй акцияһы сиктәрендә ике “Герой партаһы”н асыу тантанаһы үтте.
“Герой парталары” Кәрешкә мәктәбенең сығарылыш уҡыусылары, махсус хәрби операция барышында батырҙарса һәләк булған Дәүләтбаев Илмир Хөснөтдин улы Һәм Яратов Фәһим Кәрим улының яҡты иҫтәлегенә булдырылған. Яугирҙәрҙең икәүһе лә күрһәткән батырлыҡтары өсөн миҙалдар, үлгәндән һуң Ҡаһарманлыҡ ордены менән наградланған.
Сарала ата-әсәләр, туғандар, мәғариф ветерандары ҡатнашты. Кисәлә ҡатнашыусылар яугирҙәр тураһында хәтирәләре менән уртаҡлашты. Илебеҙ Геройҙарының ҡаһарманлығы халыҡ хәтерендә мәңгегә һаҡланһын.