Илебеҙ тарихын һаҡлап

Моҫтай ауылында 1941-1945 йылдарҙағы Бөйөк Ватан һуғышы яугирҙәре иҫтәлегенә ҡуйылған обелискты яңыртыу маҡсатында өмә үтте. Өмәлә ҡатнашыусыларҙың берҙәмлеге, ихласлығы менән эштәр тиҙ арала алға китте. Ир-егеттәр обелискты тәртипкә килтереү менән булышһа, ҡатын-ҡыҙҙар өмәселәргә тәмле табын әҙерләне. Тарихҡа битараф булмаған һәм был изге эшкә ҡушылған һәр кемгә ҙур рәхмәт. Һеҙҙең эшегеҙ илебеҙҙең үткәнен һаҡлай.