Баймаҡтар диктант яҙҙы

Бөгөн Баймаҡта офлайн рәүештә башҡорт теленән халыҡ-ара диктант яҙыу үтте. Быйылғы диктант текстары Бөйөк Еңеүҙең 80 йыллығына, шулай уҡ Ватанды һаҡлаусылар йылына арналды.
Шуныһы ҡыуаныслы, башҡорт телендә диктант яҙырға теләүселәрҙең һаны йылдан-йыл арта.

Башҡорт теленән халыҡ-ара диктант - ул белемде тикшереү генә түгел, тел мираҫын һаҡлауға һәм милли үҙенсәлекте нығытыуға йүнәлтелгән мөһим мәҙәни ваҡиға ла.