Башҡорт теле уңайынан тантаналы линейка

Баймаҡ лицей-интернатында йыл һайын Башҡорт теле көнөн  ойошҡанлы үткәрәләр. Быйылғы уҡыу йылында ла был көн уңайынан аҙналыҡ иғлан ителеп, һәр көндә темаға ярашлы матур бер сара үтте. Бөгөн инде интернат-лицейҙың рухлы уҡыусылары һәм мәктәп коллективы тантаналы линейка үткәрҙе. Унда балалар телебеҙгә дан йырлаған йырҙар йырланы, шиғырҙар һөйләне. Тантанала ҡатнашҡан һәр кем милли кейемдәрҙә, йә булмаһа милли биҙәүестәрҙә булыуы һөйөндөрҙө. Афариндар!