Йәнһүрәтте башҡорт телендә ҡарарға мөмкин

Был йәнһүрәт өс айыу тураһында. Унда Гризли (Гриз), Панда (Пан-Пан) һәм Аҡ айыуҙың тормошо һүрәтләнә.

Радиожурналист Айбулат Сисәнбаев Башҡорт телен һаҡлау һәм үҫтереү фондының гранты ярҙамында йәнһүрәттең башҡортса вариантын булдырған.

- Был ҡыҙыҡлы йәнһүрәттә айыуҙар интернет селтәрендә кешеләр араһында популяр булырға тырыша, йәмғиәттә йәшәргә өйрәнә, төрлө проблемалар аша үтә. Йәнһүрәт үҙ-ара ярҙамға, дуҫлыҡҡа, изгелеккә өйрәтә, ул бар донъяла популяр. Мин уның башҡортсаһы ла булыуын теләнем, – ти Айбулат.

Интернетта башҡорт телендә контенттың аҙ булыуы Айбулатҡа ошо проектҡа тотонорға этәргес көс биргән. Башҡортса тауышландырылған йәнһүрәттәрҙе социаль селтәрҙәрҙә, шул иҫәптән башҡорт телен һаҡлау һәм үҫтереү ойошмаһының «Бәйләнештә»ге төркөмөндә ҡарарға була.