Тағы көсәйерме?

Уҙған тәүлектә Башҡортостанда 581 кеше коронавирус менән ауырып киткән, икәүһе үлгән, тип хәбәр итә республика Һаулыҡ һаҡлау министрлығының матбуғат хеҙмәте. Пандемия башланғандан алып республикала бөтәһе 306 меңдән ашыу сир осрағы теркәлгән. Ошо ваҡыт эсендә 5 801 кеше яңы коронавирус инфекцияһы ҡорбаны булған, уларҙың күбеһе — 60 йәштән өлкәндәр.

Бөгөнгә республикала 236 кеше коронавирус инфекцияһы диагнозы менән дауаханаға һалынған, уларҙың 9-ы — ауыр хәлдә, берәүһе үпкәне яһалма елләтеү аппаратына тоташтырылған. 3 322 сирле өйөндә дауалана.

Тәүлек эсендә 157 кеше һауыҡҡан.