Ауырыуҙар һаны тағы ла артҡан

Ковидмы әллә киҙеүме... Барыһы ла буталды, шикелле

Башҡортостанда тәүлек эсендә ковид-сирлеләр һаны буйынса яңы антирекорд теркәлгән — 2 999 кеше, тип хәбәр иттеләр республика Һаулыҡ һаҡлау министрлығының матбуғат хеҙмәтенән.

Пандемия башланғандан алып республикала 154 меңдән ашыу яңы коронавирус инфекцияһы осрағы асыҡланған.

«Әле 322 кеше стационарҙа дауалана, уларҙың яртыһынан ашыуы — 60 йәштән өлкәндәр. 31 сирле ауыр хәлдә, — тип белдерҙеләр Башҡортостандың Һаулыҡ һаҡлау министрлығында. — 17,2 меңдән ашыу кеше өйөндә дауалана, 5,3 меңдән күберәге — оло йәштәге пациенттар. Тәүлек эсендә 2,9 мең самаһы кеше һауыҡҡан. 18 кеше вафат булған».