Кире ҡайтмаҫ беҙҙең ғүмерҙәр

Йәй ғүмере бигерәк ҡыҫҡа инде,Үтеп бара август айы ла.Туҡтатырға юҡ шул саралары,Ҡөҙрәт-әмәлдәре, яйы ла.   Үткән йәйҙәр өсөн үкенмәйек,Йәйҙәр әйләнер ҙә килерҙәр.Ах нисектәр итеп теләһәк тә,Кире ҡайтмаҫ беҙҙең ғүмерҙәр.   Тау битендә энәлектәр бешә,Алмалары бешә баҡсала.Алма кеүек кенә ғүмерҙәрҙе,Алмаштырып булмай аҡсаға.   Иртә-кисен һалҡындары төшә,Август айы көҙгә ауыша.Беҙ үрләйбеҙ ғүмер үрҙәренә,Ваҡыт менән уҙыша-ҡыуыша.   Үткән йәйҙәр өсөн үкенмәйек,Әйләнер ҙә тағы килерҙәр.Нисек кенә итеп теләһәк тә,Ах, килмәҫтәр үткән ғүмерҙәр. ФӘНИЛӘ ЙӘНДӘҮЛӘТОВА.