Һеҙҙең берәй ваҡыт эс ҡатып көлгәнегеҙ булдымы? Бөгөн тап шундай көн икән. Әйҙәгеҙ, көләмәстәр яҙышып алайыҡ. Кемдекенән һен китеп, эс ҡатып көлөрбеҙ икән?!
***
Ике әхирәт осраша, һөйләшеп китәләр.
-Әхирәт, анау Сәлимәнең улының исеме кем әле, иҫләмәйем -, ти беренсеһе.
-Үрге осмо? Ғилмишәриф-, тей икенсеһе.
-Эй, әйтәм бит, исеме вермишелме, лапшамы тип, - ти икән тәүгеһе.
***
Яңы йыл, байрам табыны. Өҫтәлдән сәнске төшөп китә. Ул осоп барышлай, инде иҙәнгә төшөп еттем тигән ерҙә ғаилә башлығы тотоп ҡала...
– Уффф!.. Аллаға шөкөр, бөгөн башҡа бер ниндәй ҡунаҡ килмәй икән!..
Шунда бүлмәгә бәләкәс ҡыҙҙары йүгереп килеп инә лә:
– Атай-атай! Тиҙерәк! Унда Хәлимә инәй лифттың ишегенә ҡыҫылып торҙо. Беҙҙең этажда! 😆
***
Төҙөлөп маташҡан йорт ҡойолоп төшә. Бөтәһе лә бер булып ғәйеплене эҙләй. Кирбестәр янына киләләр.
- Бында һеҙ генә ғәйепле!!!
- Юҡ! Ҡарағыҙ, беҙ ниндәй ныҡ! - тип күкрәктәренә һуға башлайҙар.
Ҡом янына киләләр.
- Йорт һеҙҙең арҡала ғына ҡойолоп төштө, һеҙ генә ғәйепле!!!
- Һис кенә лә! Мә, тотоп ҡарағыҙ, ниндәй сифатлыбыҙ!
Тикшереүселәр цемент янына киләләр.
- Әһһһәәәә! Бына кем арҡаһында йорт ҡойолоп төшкән! Ғәйеп һиндә цемент!
- Ниңә мин булайым, ти. Минең унда бер ниндәй ҡыҫылышым юҡ! Мин унда, ғөмүмән, булманым да ул! 😂