Бер аҙ моңһоу

Бер аҙ моңһоу

Мөҙәрис Ғәзитдинов көйө, Люциә Ғәзетдинова һүҙҙәре. 

Әллә ниңә күңелем тулды, 

Тыуған көнөм килеп еткән бит! 

Бала саҡта бик күңелле байрам,

Йылдар үткәс моңһоу икән бит! 

Ҡушымта: 

Бер аҙ моңһоу ғүмер үткәнгә, 

Бер аҙ моңһоу йәшлек киткәнгә! 

Тыуған көндәр бер-бер артлы килеп,

Ғүмер тигән биҙәк сиккәнгә! 

Күпме ҡотлау, бүләктәр яуа, 

Тыуған көндә -- байрам түрендә! 

Үткән йылым ғына моңһоуланып, 

Баҫып ҡалды күңелем күгендә. 

Ҡушымта.

Тик шулай ҙа ҙур өмөттәр менән 

Ҡаршылайым мин ғүмер байрамын. 

Йылдар уҙһа уҙһын, өҙөлмәһен 

Тапланмаһын ғүмер сәйләнем.