Ул йүгерергә тейеш

Хәҙер күп кешеләр хаски тоҡомло эткә иҫе китә. Ҡайһы берәүҙәрҙән: “Ни өсөн нәҡ ошо этте алдың?”-тиһәң, “Уның күҙҙәренең төҫө матур”,-ти. Әҙерәк кенә интернет селтәренән хаски тоҡомо тураһында уҡыһағыҙ ни була?! Ул бик хәрәкәтсән йән эйәһе, көнөнә 15 саҡрымдан кәм үтмәҫкә тейеш. Һөҙөмтәлә, өйҙә тик сылбырҙа ултырған йәки фатирҙың эсендә тотолған хаскиҙар шиңә, ауырый башлай. Ул бит егеп йөрөй торған эт! Тәбиғәттән уға көс тә, тик хәрәкәт итеү теләге лә һалынған. Юҡ, аңламайҙар. Хатта хәрәкәт һорап, көн-төн шыңшыған хаскиларҙы урамға сығарып ташларға ла тартынмай башланылар. Әҙерәк уйлаһағыҙ ни була? Ул да бит тере йән эйәһе, уйынсыҡ түгел!

Ул йүгерергә тейеш