* Төшөңдә ағым һыу аша йөҙөп сыҡһаң, ҡайғынан арынаһың.
* Әгәр төшөңдә бойҙай күрһәң, һөйөнөс булыр.
* Әгәр төштә һары май күрһәң, сир килер; ҡатыҡ йә һөт күрһәң, ҡулыңа хәләл мал керер.
* Ҡоҙоҡтан һыу алғанды күрһәң, кейәүгә сығаһың.
* Мәйет тураһында төш күрһәң, өндә лә мәйет булыр.
* Төшөңдә баҡыр аҡсалар алһаң, нахаҡ һүҙ ишетәһең.
* Төшөңдә бал ҡорто күрһәң, хәләл мал насип булыр.
* Төшөңдә илаһаң - шатланаһың.
* Төшөңдәт ҡуян, ҡаҙ күрһәң, бер туғаның килә.
* Төшөңдә тауыҡ күрһәң, хәрам малдан өлөш тейәр.
* Төшөңдә тауға менһәң, бәхетле булырһың.
* Төшөңдә сей ит, йомортҡа күһәң, ауырыуға була.
* Төшөңдә шәкәр һәм бал күрһәң, ил араһында оло дәрәжәле булаһың.
* Төшөңдә йәшеллек күрһәң, тиҙ килә торған шатлыҡ.
* Төштә аҡ әйбер - шатлыҡ, ҡара әйбер - ҡайғы, ҡыҙыл әйбер - ҡыҫтау, йәшел әйбер - оҙон ғүмер.
* Төштә аҡ тун кейһәң, байлығың күп була.
* Төштә атҡа атланыу - мәртәбәгә ирешеү.
* Төштә болғансыҡ һыу - көтөлмәгән күңелһеҙлек; саф, таҙа һыу - яҡшы хәбәр.
* Төштә гармун тауышы ишетһәң, хәбәр була.
* Төштә еп ураһаң, йыраҡ ерҙән яҡын кешең килә.
* Төштә ҡарсыға күрһәң, ил эсендә мәртәбә ҡаҙанаһың.
* Төштә көҙгөгә ҡарау йәки яңы аяҡ кейеме кейеү - тормошҡа сығыу.
* Төштә самрау ҡош күрһәң, оло мәртәбәле булырһың.
* Төштә һоло йәки ҡарабойҙай күрһәң - ауырыу.
* Төштә һыу кереү - илау.
* Төштә һыуҙа кәмәлә йөҙһәң, башҡа илгә бараһың.
* Төштә төрлө ерҙәр күреү - юлға сығыу.
Һәр саҡ матур һәм татлы төштәр күрегеҙ!