Август

Иң тәүҙә август йылдың алтынсы айы булған. 1700 йылда ул 12-се итеп күсерелә. Петр батша реформаһы булғандан һуң ғына август йәйҙең өсөнсө, йылдың һигеҙенсе айы булып һанала башлай.

Эйе, август йәйҙең һуңғы айы. Бер ҡараһаң – йәйҙе, икенсе ҡараһаң көҙҙө хәтерләтә. Ҡояш ҡыҙҙырып тора ла, ҡапыл ғына ямғыр ҡойоп яуа, ел-дауыл күтәрелеп китә. Йылға-күлдәрҙә һыуҙар һыуына башлай.

Әммә нисек кенә моңһоу булмаһын, тап августа уңыш йыя торған мәл етә. Емеш-еләк, йәшелсәнән өҫтәл һығылып торған саҡ. Кешеләр баҡсаһынан помидор, кәбеҫтә өҙөп ашай башлай. Алмалар бешә, баҫыуҙарҙа иген өлгөрә.

Август айында урман да байлыҡ килтерә. Еләк-емеш, сәтләүектәр, бәшмәктәр йыйырға мөмкин. Дарыу үләндәре лә өлгөрә. Тап ошо айҙа әҙерләнгән миндек һәйбәт һаҡлана. Август аҙағында иһә ҡоштар йылы яҡтарға осоп китергә әҙерләнә башлай. Йылға-күлдәрҙәге ҡамыш-лилиәләр, томбойоҡтар сәскә ата. Күңелде болоҡһотоп ҡайһы бер ағастар япрағын ҡоя. Иртәләр һыуығыраҡ була бара. Ҡайһы бер йылдарҙа июнь-июлгә ҡарағанда эҫерәк торһа ла, тап августа йәйге ҡояш байый.

* Августа имән сәтләүеккә бай булһа – уңыш мул булыр.

* Августа бәшмәк күп булһа, иген дә мул булыр.

* Августа ҡыш йәй менән көрәшер.

* Августа төшкә тиклем – йәй, төштән һуң – көҙ.

* Августтан алма еҫе килер.

* Август – бай ай: йәнең теләгәнен ал да аша.

* Август – бешерә, сентябрь өҫтәлгә ҡуя.

* Августа йыйған уңышты ҡыш ашарһың.

* Августа балыҡтар ҙа туҡ булыр.

* Августа ҡояш ҡыҙҙырыр, һыу һыуыр.

* Август уңышҡа ла, ямғырға ла бай булыр.

* Августа аяҙ булһа, көҙ бысраҡ килер.

* Августа ураҡ ҡыҙа, һыу һыуына.

* 7 августа иртән һалҡын булһа, ҡыш иртә килер, оҙон да булыр.

* Ашлыҡ урғанда һалам шыртлап һынһа, ямғыр булыр.

1 август — Рәсәйҙә инкассатор көнө; Рәсәй Ҡораллы Көстәре көнө.

2 август — Һауа-Десант ғәскәрҙәре көнө.

4 август — Тимер юлсылары көнө.

6 — Бөтә донъя ядро ҡоралын тыйыу өсөн халыҡ-ара көрәш көнө (Херосима көнө).

9 август — Бөтә донъя аҫаба халыҡтары көнө.

11 август — Ҡорбан ғәйете; Умартасылар көнө.

12 август — Рәсәйҙә хәрби-һауа көстәре көнө; Халыҡ-ара йәштәр көнө.

13 август — Бөтә Донъя һулаҡайҙар көнө.

15 август — Халыҡ-ара археологтар көнө.

22 август — Рәсәйҙең Дәүләт флагы көнө.

23 август — Курск һуғышында совет ғәскәрҙәре немец-фашист илбаҫарҙарын ҡыйратҡан көн.

27 август — Рәсәй киноһы көнө.

Айҙың тәүге йәкшәмбеһе — Тимер юлсылар көнө.

2-се шәмбеһе — Физкультурниктар көнө.

2-се йәкшәмбе — Төҙөүселәр көнөю.

3-сө йәкшәмбе — Хәрби-һауа көстәре көнө.

4-се йәкшәмбе — Шахтерҙар көнө.