Ирекмәндәрҙең Евразия форумы

Әңгәмә барышында Ҡырғыҙстан һәм Ҡаҙағстан ирекмәндәре лә үҙ тәжрибәһе менән уртаҡлашты. Улар пандемия осоронда нисек итеп ололарға ярҙам итеүҙәре тураһында һөйләнеләр. Башлыҡ уларға үҙ эш планы, уның барышы менән форумда таныштырырға тәҡдим итте. Һәм ойоштороу мәсьәләләрен БР Йәштәр сәйәсәте һәм спорт министрлығына йөкмәтте.

― Әйҙәгеҙ август-сентябрь айҙарында Өфөлә евразия киңлектәре делегациялары ҡатнашлығында ирекмәндәрҙең форумын йә слетын үткәрәйек. Йәштәр шулай аралашып, тәжрибә уртаҡлашһын. Унан хеҙмәттәшлек итеү тураһындағы меморандумға ҡул ҡуйһындар. Бер-беребеҙҙән өйрәнә торған нәмәләр күп әле. Башҡортостанда осрашҡанға тиклем! ― тине төбәк Башлығы.