Шоколадты атай ҙа ... ярата

Магазин янында әхирәтемде көтөп торам. Ҡапыл ишек ныҡ итеп асылып китте лә, йүгереп бер йәш ир килеп сыҡты. Бер аҙҙан 5-6 йәшлек малай күренде. Ул теге ирҙе баҫтыра башланы. Ҡыуып етә алмағас, туҡтап уға бейәләйҙәрен ырғытты ла: “Атай, туҡта, бир миңә киндер-сюрпризды. Был юлы мин асырға тейеш инем бит!”-тип иламһырай башланы. Ата кеше ҡабалана-ҡабалана шоколадты үҙе асты. Малай: “Мин һине әсәйгә әйтәм! Бөгөн бер үҙең йоҡлаясаҡһың!”-тип магазинға инеп китте. Эйе, ирҙәр балалар менән бер, тигәндәре дөрөҫ шул.