Баймаҡ инвалидтар йәмғиәтенә 30 йәш

Бөгөн район мәҙәниәт йортонда бик йылы һәм әһәмиәтле сара үтте.  Бөтә Рәсәй инвалидтар йәмғиәтенең Баймаҡ ҡала һәм район ойошмаһының 30 йыллыҡ юбилейы билдәләнде Был йылдар эсендә бында бер-береһенә ярҙам иткән, хәл итеү юлдарын тапҡан һәм башҡаларҙың проблемаларынан ситтә ҡалмаған кешеләр командаһы барлыҡҡа килгән. Бында көн һайын тормош ҡайнай: осрашыуҙар, консультациялар, спорт дәрестәре үткәрелә, проекттар өҫтөндә эш алып барыла. Кешеләр ярҙам ғына түгел, йылы һүҙҙәр ҙә ишетә. Ойошма «Рәсәй эше» үҙәге һәм социаль страховкалау фонды менән бергә ҙур эш алып бара. Ошоноң арҡаһында район халҡы меңдән ашыу социаль хеҙмәтләндереү алған. Район башлығы Азамат Иҙрисов үҙенең хеҙмәте, изгелеге һәм әүҙем тормош позицияһы менән йәмғиәт өсөн мөһим эш башҡарыусыларға рәхмәтен белдерҙе һәм Рәхмәт хаттары тапшырҙы. Йәмғиәттең артабанғы үҫешен һәм сәскә атыуын, ә уның бөтә ҡатнашыусыларына ныҡлы һаулыҡ, күңел йылыһы, ғаиләләрҙә тыныслыҡ һәм татыулыҡ теләйбеҙ. Байрам менән!