Күңелеңә ятҡан эште табыу

Осрашыуҙа ҡатнашыусылар алдында район башлығының инвестициялар һәм эшҡыуарлыҡ буйынса урынбаҫары Руслан Даурбеков сәләмләү һүҙе менән сығыш яһаны. Ул йәмғиәт вәкилдәренең район Һабантуйында ҡатнашыу идеяһын хупланы, унда улар инклюзив оҫтаханала эшләнгән әйберҙәр менән таныштыра һәм һата аласаҡ.

Был эштәрҙе күрһәтеү һәм башҡаларҙың тәжрибәһен үҙләштереү өсөн бик яҡшы мөмкинлек.

«Рәсәй эше» үҙәге белгестәре ярҙам һәм ҡайтанан уҡытыу программалары тураһында һөйләне. Инвалидтар йәмғиәте урынбаҫары Павел Пуликов үҙмәшғүллек буйынса презентация менән сығыш яһаны һәм үҙ эшеңде нисек асырға мөмкинлеген  аңлатты.