Темәс аҡһаҡалы Азат Бадранов менән осрашыуҙа нимәләр хаҡында һөйләне?

Баймаҡ районында йәшәүсе Рауил Йәнсурин Башҡортостан Башлығы Хакимиәте етәксеһенең беренсе урынбаҫары Азат Бадрановҡа урындағы халыҡ менән аралашҡаны өсөн рәхмәт белдерҙе. Осрашыу Темәс ауылында булды. Иҫегеҙгә төшөрәбеҙ, бер нисә оппозиция баҫмаһы баймаҡтар чиновникты визиты өсөн ҡаты тәнҡитләгән тигән мәғлүмәт биргәйне. Дәлилдәр сифатында улар осрашыуҙа ҡатнашыусыларҙың береһенең (Рауил Йәнсуриндың) сығышының ҡыҫҡа видеоһын сығарып, әңгәмәнең ысын йөкмәткеһен кирегә үҙгәрткән. Баймаҡ аҡһаҡалы Азат Бадрановҡа мөрәжәғәт итеп нимә тураһында һөйләне һуң? - Мин Темәстә 30 йыл эшләнем. Мин совет партияһының кадрҙарынең береһе. 10 йыл район комитетында, 4 йыл партком секретары, 19-20 йыл тирәһе Темәс ауылында ауыл биләмәһе башлығы һәм ауыл советы рәйесе булып эшләнем. Бында ултырыусылар мине белә. Һеҙгә, Азат Шамил улы, рәхмәт әйтергә теләйем. Һеҙ башҡорттарҙың ысын патриоты, беҙгә ысын хәлде аңлатырға килдегеҙ. Нисек кенә булмаһын, баймаҡ ваҡиғалары — башҡорт халҡы, республика, ил өсөн провокаторҙар арҡаһында барлыҡҡа килгән хурлыҡлы күренеш. Йәнсурин әйтеүенсә, ғинуарҙа Баймаҡта булған ваҡиғалар урындағы властың халыҡ менән етерлек кимәлдә эшләмәүе арҡаһында килеп сыҡҡан. Бөгөн, кешеләр интернет, социаль селтәрҙәр аша мәғлүмәт алғас, халыҡ менән йәнле аралашыуҙы бер нисә тапҡыр көсәйтергә, улар менән һөйләшергә, уларҙы тыңларға һәм аңлатырға кәрәк, тигән фекерҙә Рауил Йәнсурин. - Унда нимә генә яҙмайҙар, әммә был бит ғәйбәт! Быны аңлатыу өсөн халыҡты йыйырға кәрәк. Миңә бер кем дә алдашырға бирмәҫ, бына минең бергә эшләгән аҡһаҡалдарым ултыра. Кем менән һәм нимә тураһында ғына һөйләшмәнек, ниндәй ҙә булһа ауыр мәсьәләләр килеп тыуһа, асыҡланыҡ, халыҡҡа аңлатып бирҙек. Һәм халыҡ аңлай, һәр ваҡыт аңлай. Совет осоронда ла, социализмда ла, капитализмда ла шулай эшләнек. Әгәр халыҡты дөрөҫ йүнәлтһәң, һәр ваҡыт уртаҡ тел табырға мөмкин. Быны аңларға кәрәк. Темәс ауылы – беренсе баш ҡала, беренсе башҡорт тарихи мәҙәни үҙәге. Мин бында етәксе булып эшләнем, бөтә эштәрҙә ҡатнаштым. Шуға күрә барыһын да яҡшы аңлайым. Бөгөн кешеләр менән эшләмәйҙәр. Аҡһаҡал Баймаҡта негатив кәйефтең яйлап үҫә барыуын, һәм, һөҙөмтәлә, шартлауын һыҙыҡ өҫтөнә алды. Ошоноң менән бәйле Йәнсурин Азат Бадрановҡа урындағы халыҡ менән аралашыуы, проблемаларҙы тыңларға һәм хәл итергә әҙер булыуы өсөн рәхмәт белдерҙе. - Һеҙ, Азат Шамилевич, беҙҙе ишетергә килдегеҙ. Һеҙ – республика етәкселеге, ә район етәкселеге һеҙҙе амбразураға ташлай. Улар проблеманы асыҡларға, кешеләр, ябай халыҡ менән һөйләшергә тейеш. Элек беҙ сход, йыйылыштар йыйҙыҡ. Барыһы тураһында ла һөйләшә торғайныҡ. Халыҡ һәр ваҡыт кәңәшләшә ине. Кәңәшләшһәң генә эш килеп сығасаҡ. Бындай мәғлүмәт көрәше, һуғыш барғанда, халыҡ менән йышыраҡ осрашырға кәрәк. Бына мин һеҙҙең үҙ халҡығыҙ өсөн борсолоуығыҙҙы күрәм һәм һеҙгә һаулыҡ ҡына теләйем. Һеҙ – хөрмәтле кешеләребеҙ, шәхестәребеҙ, башҡорттарҙы хәстәрләмәһәгеҙ, кем хәстәрләр? Рауил Йәнсурин билдәләүенсә, бөгөн Баймаҡ ҡалаһы халыҡ өсөн күп эштәр башҡарылған заманса ҡалаға әйләнгән. - Әгәр бөгөн Баймаҡҡа килһәгеҙ, уның, ниһайәт, үҙ исеменә лайыҡ булыуын күрерһегеҙ. Майҙан, балалар поликлиникаһы, башҡорт ихаталары... Бөгөн, Азат Шамилевич, һеҙгә “Саптар” студияһы өсөн ата-әсәләр исеменән рәхмәт әйтергә теләйем. Һеҙҙең ярҙамығыҙ менән “Труд” стадионы бөтә илгә билдәле студияның ныҡлы базаһына әйләнде. Ейәнсәрем унда биш йыл шөғөлләнде һәм таныҡлыҡ алды. Бының өсөн һеҙгә рәхмәт белдерәбеҙ. Балалар унда ҙур теләк менән шөғөлләнә, күптән түгел концерт менән сығыш яһанылар, бының өсөн мең тапҡыр рәхмәт.  

Темәс аҡһаҡалы Азат Бадранов менән осрашыуҙа нимәләр хаҡында һөйләне?