Йыл һайын йоҡа боҙ арҡаһында әллә күпме кеше һәләк була. Ҡыҙғанысҡа ҡаршы, улар араһында балалар һәм балыҡсылар йыш осрай...
Бына ошондай фажиғәләрҙең булмауы өсөн хәүефһеҙлек ҡағиҙәләрен үтәү мөһим. Хәтерегеҙгә төшөрәбеҙ: кешегә 10-12 сантиметр ҡалынлыҡтағы боҙ ғына артыҡ ҡурҡыныс янамай, ә унан йоҡарағы иһә - хәүеф-хәтәр сығанағы.
Башҡортостандың Ғәҙәттән тыш хәлдәр буйынса дәүләт комитеты граждандарға йылға-күлдәрҙә булғанда түбәндәге ҡағиҙәләрҙе үтәргә саҡыра:
һыу ятҡылығындағы рөхсәт ителмәгән урындарҙан үтмәгеҙ;
йылға-күлдәрҙең йоҡа боҙло өлөштәрен урап үтегеҙ;
ҡараңғы төшкән мәлдә һәм томан, ҡар, ямғыр яуған ваҡытта боҙ менән ҡапланған йылға-күлгә яҡын бармағыҙ;
боҙҙоң ныҡлығын аяҡ менән тибеп тикшермәгеҙ;
әгәр ҙә боҙ менән ҡапланған күл йәки йылға буйлап үтмәйенсә булмай икән, һис юғында кешеләр һалған һуҡмаҡ буйлап атлағыҙ;
айырым боҙ киҫәгендә төркөмләп йөрөү кәңәш ителмәй.
Хөрмәтле ата-әсәләр, балаларығыҙҙы боҙ менән ҡапланған йылға-күлдәргә яңғыҙын ебәрмәгеҙ. Үҙегеҙҙе һәм яҡындарығыҙҙы һаҡлағыҙ!