"Ышаныс телефоны" аша тотҡандар

Республиканың баш дәүләт инспекторы Владимир Севастьянов "Ышаныс телефоны" аша руль артына эскән килеш водителде тотоуҙары тураһында үҙенең Телеграм каналында хәбәр итте. 

- Тәүҙә ул кеше беҙҙең "Ышаныс телефоны"на шылтыратты, унан беҙҙең телеграм чатына ла хәбәр ебәрҙе. Алынған мәғлүмәт буйынса инспекторҙар эш башланы һәм ВАЗ 2107 машинаһын туҡтатты. Водитель ысынлап та эскән булып сыҡты. Уға 18 йәш. Уның "праваһы" юҡ, булмаған да. Егет Дәүләкән районынан Өфө ҡалаһына килгән. 

Бындай хәлдәр тураһында беҙгә 8347 279-32-92 телефоны буйынса һәм @GIBDDRB_02bot телеграм-чатына яҙыуығыҙҙы һорайбыҙ.