Мәсет тә, сиркәү ҙә төҙөлә

Аҡморон ауылында бер юлы мәсет тә, сиркәү ҙә төҙөлә. Ауылдың мәсетен авария хәлендә тип танығастар, кешеләр үҙ аҡсаһына иман йортон төҙөргә була. Бында Аҡморон халҡы, ошо ауылдан сыҡҡан һәм башҡа ерҙәрҙә йәшәгән кешеләр ныҡ ярҙам итә. Мәсет шлакоблоктан һалына. Ауыл биләмәһе хакимиәтенән хәбәр итеүҙәренсә, Семеновск руднигы ла ныҡ ярҙам күрһәтә.

Бер үк мәлдә ауылда сиркәү ҙә төҙөлә. Ул да православие динендәге кешеләрҙең хәйриә аҡсаһына һалына. Аҡморондар: "Ауылыбыҙҙа төрлө милләт кешеләре татыу йәшәй. Бер юлы мәсет һәм сиркәүҙең дә төҙөлөүе шуны күрһәтә. Тимәк, ауылыбыҙҙа тормош дауам итә",-тип ҡыуана.