Темәс ағинәйҙәрендә - ҡунаҡта

Темәс ауылы ағинәйҙәре йәмәғәт ойошмаһы  үҙҙәренең эшмәкәрлегендә быуындар бәйләнешенә ҙур иғтибар бирә.
Балаларға ағинәйҙәр "Талҡан эшләү серҙәре", "Милли эсемлектәребеҙ - буҙа ҡойоу" кеүек һәм башҡа йүнәлештәр буйынса оҫталыҡ дәрестәре үткәрә. Милли биҙәүестәр һәм кейемдәр тарихы, фольклор өлгөләре менән таныштырып үҫеп килгән быуында милли йолалар, ғөрөф-ғәҙәттәр, мәҙәниәт, халыҡ кәсептәренә ҡыҙыҡһыныу, илһөйәрлек, телһөйәрлек тәрбиәләүгә үҙ өлөшөн индерә.
Балалар ағинәйҙәрҙә ҡунаҡта булып, аралашыуҙан кинәнес табып, күңелдәрен үҫтереп ҡайта .