"Балаларға байрам бүләк ит!"

Яңы йыл алдынан район хакимиәте башлығының беренсе урынбаҫары Айнур Кәримов етәкселегендәге делегация быйыл да Йылайыр районының Матрай ауылында урынлашҡан балалар һәм үҫмерҙәр өсөн тәғәйенләнгән социаль приютта булды. Уларҙы Йылайыр районы хакимиәте башлығы Борис Мелкоедов оҙатып йөрөнө. 

Балаларға йыл да иғлан ителгән "Балаларға байрам бүләк ит!" акцияһы сиктәрендә әҙерләнгән Яңы йыл тәмлекәстәр йыйылмаһы һәм бүләктәр таратылды. Улар иһә рәхмәттәрен белдереп, ҡунаҡтарҙы сағыу сығыштары менән һөйөндөрҙө.