Таулыҡай ағинәйҙәре һарауыс сигә

Гүзәл Монасипова етәкселегендәге Баймаҡ районының "Ағинәйҙәр" йәмғиәт ойошмаһы башҡорт ҡатын-ҡыҙҙарының кейемдәрен, биҙәүестәрен, аяҡ кейемдәрен тергеҙеү буйынса ғәйәт ҙур эш алып бара. Бөрйән ырыуы ҡатын-ҡыҙҙарының кейемен, селтәрен, ҡашмауын күптәр әҙерләп бөттө. Хәҙер иһә эҙмә-эҙлекле барған ҙур күләмле эштәрҙең береһе - һарауыс сигеүгә тотондолар. Таулыҡай ауылы "Ағинәйҙәр"е ошо көндәрҙә йыйылып, Н.Шитованың мкитабында күрһәтелгән өлгө буйынса һарауыс сикте. Алдағы көндәрҙә улар таҫтар эшләүгә лә тотонмаҡсы.