Яҡташтар осрашты

Өфөлә бер нисә йыл инде Баймаҡ яҡташтар берлеге уңышлы ғына эшләп килә. Матур был өлгөнө ҡабул итеп, Баймаҡ йәштәре берлеге лә ойошторолған. Улар бер-береһе менән танышып, аралашып, кәрәк булһа, ярҙам итеп йәшәй. Кисә уларҙың сафы тағы ла тулыланды. Сараға быйыл Өфөләге уҡыу йорттарына уҡырға ингәндәр йәштәр саҡырылды. Баймаҡтарҙың һәр ҡайҙа ла шундай берҙәм булыуҙары ҡыуандыра. Афарин!