ҺАРЫҠ ҠЫНА, ТИМӘГЕҘ

2022 йыл — Рәсәй халыҡтарының мәҙәни мираҫ йылын асып, Баймаҡ районының Өмөтбай ауылы ағинәйҙәре уҡыусы ҡыҙҙарға "Һарыҡ йөнөнән нимәләр эшләп була, һарыҡ йөнөнөң файҙаһы" тигән темаға оҫталыҡ дәресе күрһәткән. Өмөтбай ауылы ағинәйҙәре был тәңгәлдә күптән инде эш башлаған. бер нисә йыл дауамында улар "Ашъяулыҡ" проектын уңышлы алып бара. Башҡорт халҡының ғөрөф-ғәҙәттәрен, йолаларын өйрәнеү, киләсәк быуынға тапшырыу буйынса әүҙем эшләйҙәр.