Ағинәйҙә - ҡунаҡта

Үрге Яйыҡбай ауылы ағинәйҙәренә (етәксеһе Сәғиҙә Рахманғолова) 2019 йыл мәктәптән буш торған иркен, яҡты 4 бүлмә бирелә. Ул боронғо башҡорт өйөн хәтерләтә. Ағинәйҙәр бүлмәһе милли традицияларға таянып йыһазландырылған. Ул 1890 йылғы еҙ самауыр, тарихи ҡомартҡылар, милли көнкүреш әйберҙәре менән тулыланған. Унда мәктәп уҡыусылары, балалар баҡсаһы тәрбиәләнеүселәре менән даими төрлө саралар ойошторола. Балалар ағинәйҙәр бүлмәһенә йыш килә. Ағинәйҙәрҙең нәсихәттәрен, мөнәжәттәрен тыңлайҙар.