-2 °С
Ясна
Бөгөн яугир-интернационалистарҙы иҫкә алыу көнө. Афған һуғышы 1979 йылдың 25 декабренән 1989 йылдың 15 февраленә тиклем дауам итә. Унда 620 мең совет һалдаты, офицеры интернациональ бурысын үтәй. Беҙҙең егеттәрҙе “шурави” тип атаған һуғышта уларға ҡамауҙарҙан, тау һуҡмаҡтарынан, артылыштарҙан һөжүм итәләр. Һуғыш 14453 совет һалдатының ғүмерен өҙә, күптәр хәбәрһеҙ юғала, әсирлектән ҡайтмай, 35 меңе төрлө тән йәрәхәттәре ала.
Баймаҡ районынан Афғанстан һуғышында дүрт һалдат - Абдрахман Йәрмөхәмәтов, Дамир Самарбаев, Илгиз Сафиуллин, Рәфҡәт Исмәғилев батырҙарса һәләк була. Улар тураһындағы яҡты хәтер беҙҙең күңелдәрҙә ҡәҙерләп һаҡлана.