Һеҙ беҙҙең ышанысыбыҙ һәм ғорурлығыбыҙ!

Бөгөн Ватан һағына егеттәрҙе тантаналы оҙатыу булды. Буласаҡ ил һаҡсыларын район хакимиәте башлығының урынбаҫары Фәнил Нәҙерғолов тәбрикләне. “Егеттәр, беҙ һеҙҙең менән ғорурланабыҙ һәм һәр берегеҙҙең лайыҡлы хеҙмәт итеп имен-һау әйләнеп ҡайтыуығыҙҙы теләйбеҙ”,-тине Фәнил Рәмил улы.

Хәрби комиссар Хөрмәт Хәмитов егеттәргә хәрби билеттар тапшырҙы һәм тыуған еребеҙҙең лайыҡлы, берҙәм, көслө ил һаҡсылары менән ғорурланыуын белдерҙе.

Егеттәргә атай-әсәйҙәре, туғандары, яҡындары ла иң изге теләктәрен еткерҙе.

Ҡәҙерле улдарыбыҙ! Барығыҙҙың да имен-һау әйләнеп ҡайтыуын, ысын һалдат дуҫлығы тойғоларын татып, тағы ла көслөрәк, рухлыраҡ булып, имен-һау әйләнеп ҡайтыуығыҙҙы теләйбеҙ!

Гүзәл Салихова.