Һәр саҡ ярҙамға ашығалар

Махсус хәрби операцияла ҡатнашҡан яугирҙәргә бар район ярҙам итә. Шунһыҙ булмай ҙа. Сөнки был беҙҙең уртаҡ эшебеҙ, ә ут эсендә йөрөгән ир-егеттәрҙең һәр береһе ҡәҙерле беҙҙең өсөн.

Төрлө ойошма-учреждениелар ҙа яугирҙәргә мөһим булған техник саралар, кейем-һалым, дарыу һ.б. алыуҙа ныҡ ярҙам итә. Был йәһәттән Баймаҡ ҡойоу-механика заводын да билдәләп китергә кәрәк. Машзавод яугирҙәргә даими ярҙам күрһәтә. Уларҙың яҡындарын да иғибарһыҙ ҡалдырмай. Ошо аҙналағы оператив кәңәшмәлә яугирҙәргә өҙлөкһөҙ ярҙам иткән Баймаҡ ҡойоу-механика заводы Башҡортостан Башлығы Радий Хәбировтың Рәхмәт хаты менән бүләкләнде. Афарин!

Гүзәл Иҫәнгилдина.