Шәп бит!

Иҫке Сибай халҡының уңғанлығына хайран ҡалырһың. Ауыл биләмәһе башлығы Сибай Утарбаев етәкселегендә эшләгән һәм йәшәгән иҫке сибайҙар барыһына ла өлгөрә. Матур-матур йорттар ҡалҡа унда, эшһөйәр һәм мөхәббәтле ғаиләләр йәштәргә өлгө бирә,ә ололар матур тормош тәжрибәһе менән уртаҡлаша.

Украинала махсус хәрби операция башланғас та Иҫке Сибай ауылы халҡы ир-егеттәребеҙ өсөн ярҙамды йәлләмәй. Инәй-апайҙар йылы әйберҙәрен бәйләй, аҙыҡ—түлек һ.б. йыйылған күстәнәстәр йыйыла.

Ә бөгөн биләмәнең әүҙем командаһына ҡушылып ауыл халҡы яугирҙәребеҙгә маскировкалау селтәрен үрҙе. Эйе-эйе, күмәкләшеп, дәртләнешеп, беҙҙекеләрҙең еңеп, һуғыштың тиҙерәк бөтөүен теләп, күмәкләп үрҙе улар! Изге ниәттәр әйтеп, доғалар уҡый-уҡый үрелгән был әйберҙәр беҙҙең ир-егеттәребеҙҙе дошмандың утынан да, бар насарлығынан да һаҡлауын теләйек. Яугирҙәребеҙ имен-һау әйләнеп ҡайтһын!

Афарин, Иҫке Сибай халҡы!

Гүзәл Иҫәнгилдина.