УҠЫУ-КҮНЕКМӘ ОСОШО ҮТКӘРГӘН БУЛҒАНДАР

Кисә Ленинград өлкәһендә Ми-8 вертолеты һәләкәткә осраған. Ғәҙәттән тыш хәлдәр хеҙмәтенән хәбәр итеүҙәренсә, унда өс кешенең ғүмере өҙөлгән. Ҡыҙғанысҡа ҡаршы, улар араһында яҡташыбыҙ, штурман ярҙамсыһы Рәмил Сөләймәнов та бар.

Вертолетта уҡыу-күнекмә осошо үткәргәндәр. Росгвардияның матбуғат хеҙмәте белдереүенсә, экипаж машинаны торлаҡ йорттарҙан мөмкин тиклем алыҫыраҡ алып китергә тырышҡан. Шуның менән улар тағы ла ҙурыраҡ фажиғә булдырмаҫҡа өлгәшкән. Ләкин үҙ ғүмерҙәре хаҡына.

Әлегә Ми-8 вертолеты һәләкәткә осрауының сәбәптәре тикшерелә. Белгестәр әйтеүенсә, двигателдең эшләмәүе фажиғәгә килтергәндер.