Хәрби хеҙмәт кисектерелә

Коронавирус пандемияһына бәйле, Рәсәйҙә хәрби хеҙмәткә саҡырыу кампанияһы кисектерелә. Хәрби комиссия быға ҡәҙәр хәбәр иткәнсә, 1 апрелдән түгел, ә 15 апрелдән эш башлаясаҡ, тип планлаштырыла.

Яҙғы саҡырылышта быйыл Башҡортостандан бөтәһе 9 меңдән ашыу егет хеҙмәткә алынасаҡ, тип күҙаллана.

Буласаҡ ил һаҡсылары ғәҙәттәге медицина тикшереүе үтеү менән бергә коронавирус инфекцияһына ла тикшереләсәк.

Баймаҡ егеттәренең хәрби хеҙмәттә лә һынатмай, Ватаныбыҙ алдында тоғро хеҙмәт итеп, имен-һау ҡайтыуҙарын теләйбеҙ.