Бор кислотаһы - ҡыяр уңышы

Бор кислотаһы ҡыярҙың уңышы өсөн шәп сара Бор ҡыярҙың тәмен яҡшырта, йәшелсәнең үҫешен стимуллаштыра. Бор кислотаһын ҡыярҙы миҙгелгә өс тапҡыр туҡландырыу өсөн ҡулланығыҙ. 

Эретмәне әҙерләү өсөн 10 литр һыуға 5  г порошок алабыҙ. 

Әгәр ҡыярҙа калий етешмәү билдәләре булһа (емештәре һарғылт төҫтә һәм груша формаһында, ә япраҡтың сиге һарғая һәм аҫҡа төшә), бор менән туҡландырыуҙы калий менән ҡушығыҙ. Бының өсөн 1 л ҡайнар һыуға 1 сәй ҡалағы бор кислотаһы бүлеп, 10-12 марганцовка кристалы өҫтәйбеҙ. Әҙерләгән  һыу эретмәһенә 10 литрға тиклем һыу өҫтәйбеҙ һәм ҡыярҙың төбөнә ҡоябыҙ.