Ҡаҙаҡ бишбармағы

Һарыҡ итен, ҡаҙыны һәр береһен айырым бешерергә. Ит бешкән һурпаға тәм өсөн бер баш һуған төшөрөргә. Итте алып, һурпаһын һөҙөргә, тоҙлоғон айырып алып, ярым түңәрәкләп киҫелгән һуғанды бешерергә. Ҡалған һурпаға ҡаҙаҡса һалманы төшөрөп, тиҙ арала бешереп алырға. Йәйенке һауытҡа һалманы йәйеп һалырға, уның өҫтөн ит киҫәктәре, ҡаҙы һәм дә тоҙлоҡта бешкән һуған менән биҙәргә. Һурпаһын айырым бирәбеҙ. Тәмле булһын!