Сыр әҙерләйбеҙ

Күп уңғанбикәләр хәҙер сырҙы үҙҙәре әҙерләй. Әйҙәгеҙ, беҙ ҙә тотонайыҡ! 100 г сыр өсөн 1 литр һөт, 0,5 литр кефир, 1 йомортҡа, 1 балғалаҡ тоҙ, 1 семтем лимон кислотаһы алына. Һөттө кәстрүлгә ҡойоп, ҡайнатырға ултыртабыҙ. Болғата-болғата тоҙ өҫтәйбеҙ. Ҡайнап сығыу менән кефир ҡоябыҙ, эрегәнсе болғап торабыҙ. Әҙер массаны марляға һалып, һарҡытырға ҡуябыҙ. Был мәлдә лимон кислотаһы менән йомортҡаны туҡыйбыҙ. 15 минут эсендә һарҡҡан эремсеккә йомортҡаны ҡушып, күперткәнсе туҡыйбыҙ. Сыр әҙер!

Сыр әҙерләйбеҙ