Альмира Ишматова

Темәс ауылынан Альмира һәм Айрат Ишматовтар иң күркәм, өлгөлө ғаиләләрҙең береһе. Ике ул тәрбиәләп үҫтергән Ишматовтар ҡош-ҡорт үрсетеп, күпләп йәшлесә-емеш үҫтереп гөрләтеп тормош көтә.

Айрат ағай урман хужалығында эшләп йөрөһә, Альмира апай кирбес заводында оҙаҡ йылдар технолог булып хеҙмәт иткәндән һуң, хаҡлы ялда.

Әммә ул бер минутта ғына тик ултырмай. Йомарт йәйҙең һәр бер көнөн файҙаға үткәрергә тырыша. Көҙгөлөккә әҙерләгән 300-ҙән ашыу банканан торған мул коллекцияһында нимә генә юҡ: салаттар, ҡыяр-помидор, бәшмәктәр, башҡа төрлө ризыҡтар.

Ә иң мөһиме, Альмира апай уларҙы үҙе өсөн генә эшләмәй, тәбиғәт бүләге менән бүлешер кәрәк, тигән фекерҙә ул.

Шуға күрә, уның йортона килгән ҡунаҡтар тәмле күстәнәсһеҙ сыҡмай.

Читайте нас