Һаҡмар
-25 °С
Болотло
75 лет Победы
Бөтә яңылыҡтар

Сана байрамы үтте

Иҫке Сибай ауылының Ҡарағайлы йылғаһы буйы гөрләп торҙо. Ғаилә байрамы тип иғлан ителгәс, өләсәй-ҡартәсәй, әсәй-атай хатта уҡытыусылары менән башланғыс синыф уҡыусылары ла килгәндәр.

Ҡарағайлы йылғаһы буйында гөрләп сана байрамы үтте. Ғаилә байрамы тип иғлан ителгәс, өләсәй-ҡартәсәй, әсәй-атай хатта уҡытыусылары менән башланғыс синыф уҡыусылары ла килгәндәр. Ҡотлауҙар төрлө уйындар менән аралашып барҙы. Ҡыш бабай шиғыр һөйләтеп, йырлатып-бейетеп тәмлекәстәрен таратты. Ә инде иң ҡыҙығы "Замри" уйыны булды. Ҡыш бабайыбыҙ таяғы менән туңдырып, төрлө һында ҡатып ҡалған уйынсыларҙы көлдөрөп тә иретеүе бик ҡыйынға тура килде. Шулай итеп Гран-приға Мөхәмәҙиевтар ғаиләһе лайыҡ булды. Бер генә ҡатнашыусы ла бүләкһеҙ ҡалманы. Ә инде самауыр ҡайнатып сәй эсереп торған апай-инәйҙәргә рәхмәттәр әйтәһе ҡала. Бағымсы булараҡ сығыш яһаған уңған эшҡыуар ҡатын-ҡыҙыбыҙ Резеда Утарбаеваға бүләктәре өсөн рәхмәт белдерәбеҙ.
Һәр саҡ шулай әүҙем булып ҡалығыҙ. Иҫәнлек-именлек, ғаилә бәхете теләйбеҙ. Яңы йыл менән!!!
Миңнур Һунаршина.
Фотоларҙы түбәндәге сайтта ҡарай алаһығыҙ.
Читайте нас в