Кейеҙ һуғырға өйрәндек

Башҡортостан Республикаһы көнө уңайы менән Баймаҡ ҡалаһы һәм районында бик күп уҙған сараларҙың береһе – халыҡ ижады үҙәгендә барҙы. Бында Яңылбикә Таһирова менән Ғәлиә Фәхретдинова кейеҙҙән башҡорт милли орнаменты менән һуғылған кейем, биҙәүестәр эшләү буйынса оҫталыҡ дәрестәре күрһәтте. Бигерәк тә ҡыҙҙарҙың баш кейеме – таҡыя һуғыу һәр кемдә ҙур ҡыҙыҡһыныу уятты.

Әйтергә кәрәк, кейеҙ һуғыу буйынса шөғөл Баймаҡта киң популырлыҡ яулай бара. Әленән-әле баш, өҫ һәм аяҡ кейемдәре һуғып тәҡдим итеүселәр бар. Башҡорт милли кәсебенең бер төрө шулай ҡайтанын тергеҙелеүе хуплауға лайыҡ.