Өфөләге "Баймаҡ" яҡташтар ойошмаһында яңы рәйес

Өфөлә күп йылдар инде "Баймаҡ" яҡташтар ойошмаһы эшләп килә. Улар баш ҡалала баймаҡтарҙы бер урынға туплап, бер ғаилә булып, бер-береһенә ярҙам күрһәтеп, төрлө саралар ойоштороп йәшәй. Бөгөн яҡташтар ойошмаһы ағзаларының сираттағы осрашыуы үтте.

Өфөләге "Баймаҡ" ойошмаһы рәйесе Фирғәт Миҙхәт улы Байрамғолов 15 йыл эшләгәндән һуң, үҙ теләге менән вәкәләттәрен тапшырҙы.

Яңы рәйес итеп Шайморат Азамат улы Тимербулатов, рәйес урынбаҫарҙары булып Азат Иршат улы Хамматов һәм Азат Зәйнетдин улы Ҡасҡынов һайланды.

Осрашыуҙа төрлө һорауҙар ҡаралды һәм Абдулхаҡ Игебаевтың юбилейына арналған саралар тураһында һөйләшеүҙәр алып барылды.

"Баймаҡ" яҡташтар ойошмаһына уңыштар теләп, артабан да ҡулға-ҡул тотоноп йәшәүҙәрен һәм эшләүҙәрен теләйбеҙ. Беҙ - баймаҡтар, бит әле яҡташтар! Һеҙҙән матур-матур яңылыҡтар көтөп ҡалабыҙ!