Баймаҡ егете Динислам өсөн тауыштарҙы йәлләмәйек!

Йылайыр районында ”Ете егет” реалити-шоуҙың икенсе миҙгелен төшөрөү башланды. Кемдәр унда ҡатнаша, ҡыйыу егеттәр ҡайҙан?

Проектта республиканың төрлө райондарынан ҡатнашырға теләүселәр күп булған, бары тик ете генә егет һайлап алынған. Улар: Ишембай районынан Айтуған Байисламов, Белорет районынан Ғәҙел Дәүләтов, Көйөргәҙе районынан Илнур Айҙаров, Баймаҡ районынан Динислам Хажиәхмәтов, Учалы районынан Зариф Сөләймәнов, Өфө ҡалаһынан Алмас Усманов.

Проект оҫталыҡта, таһыллыҡта көс һынашасаҡ.

Уларға көндәлек тормошта таныш булмаған эштәрҙе үҙләштерергә тура киләсәк. Мәҫәлән, балта оҫтаһы, тимерсе, умартасы һөнәрҙәрен белергә, уҡ атыу, тире, туҙҙан әйберҙәр эшләү оҫталығы буйынса ярышырға тура киләсәк. Тәүге көндә үк егеттәр башҡорт халыҡ музыка ҡоралы ҡурайҙы яһау нескәлектәрен өйрәнде. Оҫталыҡ дәресен Башҡортостандың атҡаҙанған мәҙәниәт хеҙмәткәре Рәйес Низаметдинов үткәрҙе. Проекттың авторы – яташыбыҙ, күренекле тележурналист журналист Рита Өмөтбаева.