Ғаиләбеҙ менән бәхетле булайыҡ!

Беребеҙ өсөн беребеҙ терәк,

Беребеҙ өсөн беребеҙ кәрәк,

Бында ярҙам, изге теләк,

Бында һөйөп тибә йөрәк,

Имен булһын ғәзиз ғаиләм –

Бәхетемде яҡлар ҡәлғәм!

8июль – Ғәилә, мөхәббәт һәм тоғролоҡ көнө!

Ғаилә, мөхәббәт һәм тоғролоҡ көнө менән! Атай-әсәйҙәрҙең, туғандарҙың иҫән-һау булыуы, һайлаған йәрең менән менән тигеҙ, татыу ғүмер итеү, балаларҙың көндәлек сыр-сыуҙарына ҡыуаныу - бәхетле ғаиләнең нигеҙе. Эштән арып-талып киткәндә лә, сырхап алғанда ла яҡын кешеләреңдең бер йылы һүҙе йәшәүгә көс-дәрт уята! Бер ниндәй дәрәжә лә ғаилә наҙын, йылылығын алмаштыра алмай! Ғаиләләребеҙҙең ҡәҙерен беләйек, тормош көтөү ул үҙенә күрә хеҙмәт тә, бер-беребеҙҙе бәхетле итеү өсөн тырышайыҡ, күңелдәрҙе ҡырмай, йылы һүҙҙәр әйтеп, матур итеп йәшәйек! Ғаиләләребеҙ имен, ырыҫлы, ҡотло, бәрәкәтле булһын! Бәхетле ғаиләлә бәхетле киләсәк үҫә!

Ғаилә - киләсәктең иң ышаныслы нигеҙе. Ғаилә - ул беҙҙең өй, ата-әсә, олатай-өләсәйҙәребеҙ. Ата-әсә - ғаиләнең тотҡаһы, ә балалар – көҙгөһө. ... Ғаилә - ул йылы усаҡ. Ул ни тиклем ныҡлы булһа, уның йылылығы шул тиклем көслөрәк.