Рәсәй космонавты космостан Башҡортостан тауҙарын фотоға төшөргән

Космонавт Иван Вагнер космос киңлектәрендә булғанда, Башҡортостан Республикаһының Белорет районының тауҙарын фотоға төшөрөп алған булған. Ул үҙенең социаль селтәрендә был хаҡта шулай тип яҙа: “Фотола Көньяҡ Урал тауҙары төшөрөлгән. Дөрөҫөрәге, Башҡортостандың Белорет районында урынлашҡан Көньяҡ Уралдың иң бейек нөктәһе – Ямантау. Уның бейеклеге – 1656 метр”.

Ғорур баҫып торған ҡая космос киңлектәрендә лә шундай мөһабәт күренә. Матур һәм хозур тәбиғәтебеҙ менән ғорурланабыҙ. Уларҙы һаҡлайыҡ һәм ҡҙерләйек.