"Йәшел Башҡортостан"ға ҡушылдыҡ!

Ярат ауылының мәҙәниәт хеҙмәткәрҙәре лә бөтә республикаға иғлан ителгән "Йәшел Башҡортостан" акцияһына ҡушылды. Бөгөн мәҙәниәт йорто эргәһендәге баҡсаға 12 төп ағас үҫентеһе ултырттыҡ, тип беҙгә хәбәр итте Ярат ауылы мәҙәниәт йорто ойоштороусыһы Сулпан Үҙәнбаева. Улар баҡсаға сейә, сирень, муйыл, алмағас ағастары ултыртҡан.

"Үҫентеләр гөрләп үҫеп китһен, донъяға йәм өҫтәп, йәшеллеккә күмелһен!" - ти улар.

Әйткәндәй, мәҙәниәт хеҙмәткәрҙәре экологик өмәләрҙе лә ҡалдырмай, аҙна һайын "Таҙа кесаҙна"ға сыға.