Тыуған урамдар төҙөкләндереләсәк

Башҡортостан Республикаһы Хөкүмәте 2020-2024 йылдарға “Тыуған урам” комплекслы программаһын раҫланы.

Уға ярашлы 100-ҙән ашыу кеше йәшәгән тораҡ пункттарҙың балалар баҡсаһы, мәктәп һәм фельдшер-акушерлыҡ пункты урынлашҡан үҙәк урамдарына асфальт япмаһы түшәү ҡарала. Программа ярҙамында 2024 йылға төбәк һәм муниципаль-ара әһәмиәттәге юлдар селтәре - 450 километрға, ә урындағы әһәмиәттәге юлдарҙың 540 километрға тиклем артыуы күҙаллана.

Төҙөкләндереләсәк юлдар участкаһы исемлеге раҫланған да инде. Ул Баш-ҡортостан Республикаһының хоҡуҡи мәғлүмәт рәсми интернет-порталында ҡуйылған. 41 районда - урындағы әһәмиәттәге, ә 48 районда республика һәм муниципаль-ара әһәмиәттәге юлдар ремонтланасаҡ.