Башҡортостанда туризм әлегә тыйыла

Башҡортостанда туристик маршруттар буйлап сәйәхәт итеү тыйыла. Быларҙың барыһына ла илдәге эпидемиологик хәл сәбәпсе. Шунлыҡтан йылға буйлап ағып төшөү ҙә рөхсәт ителмәй. Быйыл республиканың тау йылғаларында ҡотҡарыу постары ҡуйылмаясаҡ, тип белдерә Ғәҙәттән тыш хәлдәр буйынса дәүләт комитеты рәйесе Фәрит Ғүмәров.

Мәғлүм булыуынса, ҡайһы бер туристик ойошмалар май байрамдарына сәйәхәт тәҡдим итә башлаған. Ләкин хеҙмәт рәхсәтһеҙ күрһәтелә. Белеүегеҙсә, Рәсәйҙә пансионат, ял йорто, шифахана һәм башҡа курорт ойошмаларына, шул иҫәптән балалар лагерҙарына, алдан урын алыу ваҡытлыса туҡтатыла. Ҡурсаулыҡтарға ла инеү тыйыла.