Атайҙарға миҙалдар

Башҡортостанда Ғаилә сәйәсәте концепцияһын тормошҡа ашырыу нигеҙендә “Атай фиҙакәрлеге” тигән тәүге йәмәғәт наградаһы булдырылғайны.

Награданың маҡсаты – балаларын лайыҡлы тәрбиәләгән, сәләмәт тормош алып барған, ғаилә ҡиммәттәрен һаҡлаған, республика йәки муниципаль берәмектең йәмәғәт тормошонда әүҙем ҡатнашҡан абруйлы атайҙарҙы таныу һәм дәртләндереү.

Материалдар 15 апрелгә тиклем Башҡортостандың Йәмәғәт палатаһы Аппаратында электрон төрҙә йәки ҡағыҙҙа ҡабул ителә. Баһалама комиссияһы 15 майға тиклем лайыҡлы кандидатураларҙы Йәмәғәт палатаһы Советы тарафынан ҡарауға тәҡдим итәсәк. Һөҙөмтәләр Палатаның сайтында баҫыла.

Награда Рәсәйҙә Атайҙар көнөн байрам итеү айҡанлы 24 июндә тапшырыла.

Бөтә һорауҙар менән Йәмәғәт палатаһы Аппаратының ойоштороу бүлегенә мөрәжәғәт итергә. Телефоны: 8 (347) 280-82-36.

https://vk.com/wall-104965500_41775