Өмөтбай ауылының "Әүлиә " ағинәйҙәре ауыл китапханаһы, ҡатын-ҡыҙҙар ойошмаһы тарафынан иғлан ителгән "Ашъяулыҡ" проекты үҙ эшен дауам итә. Уның сиктәрендә ағинәйҙәр, ҡатын-ҡыҙҙар яңы донъя көтә башлаған йәштәрҙе, уҡыусыларҙы борон-борондан әҙерләнеп килгән аш-һыу төрҙәренә өйрәтә. Беҙ бөгөн уларҙы милли аш-һыуыбыҙҙың береһе - талҡан эшләргә өйрәттек. Уның серҙәре менән "Ағинәйҙәр" ойошмаһы ағзаһы Земфира апай Зәйнуллина бүлеште.
Талҡандың шифаһы, файҙаһы тураһында бик күп һөйләрлек. “Талҡан гүзәл заттарҙы йәшәртә”, - ти беҙҙең билдәле яҙыусыбыҙ Мәрйәм апай Бураҡаева.
Һәр кешенең булмышында милли аш-һыу ята. Үҙ ерендә етештерелгән, әҙерләнгән, бешерелгән ризыҡ яҡшыраҡ үҙләштерелә, тимәк, файҙалыраҡ та.
Әнүзә Мәжитова,
Өмөтбай ауылының "Ағинәйҙәр" ойошмаһы рәйесе.