Ислам Хисмәтуллин

Ислам Хисмәтуллин Баймаҡ ҡалаһының 1-се һанлы урта мәктәбенең 1-се "а" класы уҡыусыһы.

Тыуған илем – Башҡортостан.

Һәр ҡоштоң тыуған ояһы булған кеүек, һәр кемдең тыуғын йорто, иле була. Әсәй менән атай берәү генә булған кеүек, тыуған ил дә берәү генә була.

Минең тыуған илем - Башҡортостан. Ул иҫ киткес гүзәл тәбиғәтле, урман-тауҙарға, йылға-күлдәргә бай ил ул. Унда төрлө милләт кешеләре дуҫ, татыу йәшәй. Илебеҙ бай тарихлы. Беҙ бөгөнгө көндә тыныс, мул тормошта йәшәһен өсөн төрлө илбаҫарҙар менән ата-олатайҙарыбыҙ аяуһыҙ алышҡан. Беҙгә тыуған илебеҙҙе, телебеҙҙе яҡлап, һаҡлап ҡалғандар.

Мин шундай батырҙары менән дан тотҡан, бай тарихлы, гүзәл тәбиғәтле илдә тыуып үҫеүем менән бәхетлемен.